grand20222

Breyting á leiktímum í október

Þrír af leikjum Chelsea í Úrvalsdeildinni í október hafa verið færðir til vegna sjónvarpsútsendinga frá þeim:

  • Aston Villa vs Chelsea, fer fram á Villa Park sunnudaginn 16. október og hefst kl. 13:00, sýndur beint á SKY SPORTS.
  • Brentford vs Chelsea, fer fram á Gtech Community Stadium miðvikudagskvöldið 19. október og hefst kl. 18:30, sýndur beint á AMAZON.
  • Chelsea vs Manchester United, fer fram á Stamford Bridge laugardaginn 22. október (óvíst klukkan hvað), sýndur beint á SKY SPORTS.
  • Leikirnir gegn Brentford og Manchester United hafa verið færðir til að nýju vegna þátttöku Chelsea í Meistaradeildinni.

Þá hefur verið staðfest að leikur Fulham vs Chelsea sem fram fer á Craven Cottage laugardaginn 10. september verður sýndur beint á BT Sport.

Forkaupsréttur á miðum á leik Chelsea vs AC Milan

Forkaupsréttur okkar á miðum á leik Chelsea vs AC Milan í riðlakeppni Meistaradeildarinnar liggur nú fyrir og er hann MJÖG skammur eða til kl. 14:00 föstudaginn 2. septembers n.k.

Leikur liðanna fer fram á Stamford Bridge miðvikudagskvöldið 5. október og færir miðakaupendum 5 Loyalty punkta.

Forkaupsréttur okkar á miðum á leik Chelsea vs Dinamo Zagreb, sem fram fer á Stamford Bridge miðvikudagskvöldið 2. nóvember, er til kl. 14:00 sunnudaginn 25. september, þessi leikur færir miðakaupendum einnig 5 Loyalty punkta.

Tímamót hjá Ross Barkley

Chelsea hefur staðfest að Ross Barkley sé laus frá félaginu, en samningur þessa 28 ára leikmanns átti að renna út í lok tímabilsins 2022/23.

Barkley gekk til liðs við Chelsea frá Everton í janúar 2018 og lék 100 leiki fyrir Chelsea í öllum keppnum og skoraði alls 12 mörk fyrir liðið, hann kom við sögu í fjórtán leikjum á síðasta keppnistímabili og skoraði 3 mörk.

Hudson-Odoi á leið til Bayern Leverkusen

Þýska knatt­spyrnu­fé­lagið Bayer Le­verku­sen hef­ur samþykkt að fá væng­mann­inn Call­um Hudson-Odoi á láni frá Chel­sea út þetta tíma­bil.

Til stend­ur að Hudson-Odoi fljúgi til Þýska­lands í dag til að gang­ast und­ir lækn­is­skoðun.

Hudson-Odoi hef­ur lítið spilað með Chel­sea að und­an­förnu og hef­ur hann komið við sögu í 15 deild­ar­leikj­um fyr­ir Lund­únarliðið á síðustu leiktíð og skoraði í þeim eitt mark og lagði upp tvö til viðbót­ar.

Þá er ann­ar leikmaður Chel­sea, Et­h­an Ampadu, einnig bú­inn að semja um að fara á láni út tíma­bilið en hann er á leið til Spezia þar sem hann mun hitta fyr­ir ís­lensk­an landsliðsmann, Mika­el Egil Ell­erts­son, sem er á mála hjá ít­alska fé­lag­inu.

Forkaupsréttur: Chelsea vs RB Salzburg

Nú liggur forkaupsréttur okkar á miðum á leik Chelsea vs RB Salzburg í riðlakeppni Meistaradeildarinnar fyrir og er hann MJÖG skammur eða til kl. 10:00 þriðjudagsmorguninn 30. ágúst n.k. 

Leikur liðanna fer fram á Stamford Bridge miðvikudagskvöldið 14. september og hefst kl. 19:00.

Grunnverð miða er GBP 70.- í Westview, í aðrar stúkur er það GBP 35.- með þeirri undantekningu að börn, unglingar og ellilífeyrisþegar greiða GBP 15,50 í East Lower Family Centre en GBP 17,50 í aðrar stúkur að Westview undanskilinni.

Þessi leikur gefur af sér 5 Loyalty punkta.

Nánari upplýsingar má fá í síma 864 6205.

Leikdagar í Meistaradeild Evrópu 2022

Nú hafa leikdagar og leiktímar leikja Chelsea í riðlakeppni Meistaradeildarinnar verið ákveðnir og eru þeir sem hér segir:

  • Þriðjudagur 6. september kl. 16:45 - Dinamo Zagreb vs Chelsea
  • Miðvikudagur 14. september kl. 19:00 - Chelsea vs RB Salzburg
  • Miðvikudagur 5. október kl. 19:00 - Chelsea vs AC Milan
  • Þriðjudagur 11. október kl. 19:00 - AC Milan vs Chelsea
  • Þriðjudagur 25. október kl. 16:45 - RB Salzburg vs Chelsea
  • Miðvikudagur 2. nóvember kl. 20:00 - Chelsea vs Dinamo Zagreb

Við bíðum enn frétta úr höfuðstöðvunum varðandi forkaupsrétt okkar á miðum á þessa leiki sem allir gefa af sér 5 Loyalty punkta, við komum upplýsingum um forkaupsréttinn á framfæri við félagsmenn eins fljótt og auðið verður.

Nánari upplýsingar má fá í síma 864 6205.

Gabríel og skrýtna konan

Nýlega kom út barna- og unglingabókin Gabríel og skrýtna konan eftir Guðna Reyni Þorbjörnsson, en hann er grjótharður stuðningsmaður Chelsea FC.

Guðni Reynir Þorbjörnsson er ungur að árum, fæddur í marsmánuði 1989, uppalinn að Miðengi í Grímsnesi og er bókin um Gabríel og skrýtnu konuna frumraun hans á ritvellinum.
Guðni Reynir hefur verið dauðtryggur fylgismaður Chelsea Football Club og félagi í Chelsea-klúbbnum nánast frá barnsaldri, nokkrar eru ferðirnar hans orðnar á leiki með Chelsea á Stamford Bridge og næsta víst að þeim er hvergi lokið.