grand20222

Tippleikur Chelsea.is er góð skemmtun

Um Tippleikinn:

Þetta er einfaldur leikur sem virkar þannig að giskað er á úrslit leikja Chelsea og hvaða leikmaður er fyrstur til að skora í viðkomandi leik.

Stig eru gefin til getspakra þátttakenda. Eitt stig er gefið fyrir að giska á rétt úrslit leiks, þrjú stig eru gefin fyrir að giska á rétta markatölu og þrjú stig eru gefin fyrir að giska á fyrsta markaskorara.

Nú er allt að fara í gang

Þrír af leikjum Chelsea í Úrvalsdeildinni í október hafa verið færðir til vegna sjónvarpsútsendinga frá þeim:

Aston Villa vs Chelsea, fer fram á Villa Park sunnudaginn 16. október og hefst kl. 13:00, sýndur beint á SKY SPORTS.

Brentford vs Chelsea, fer fram á Gtech Community Stadium fimmtudagskvöldið 20. október og hefst kl. 18:30, sýndur beint á AMAZON.

Chelsea vs Manchester United, fer fram á Stamford Bridge sunnudaginn 23. október og hefst kl. 15:30, sýndur beint á SKY SPORTS.

ATH. Leikirnir gegn Brentford og Manchester United kunna að færðir til að nýju vegna þátttöku Chelsea í Meistaradeildinni, mun það koma í ljós fimmtudaginn 25. ágúst n.k. hver niðurstaðan verður varðandi þessa tvo leiki, þ.e. hvort annar hvor eða báðir færðir aftur til upprunalegs leikdags.

Forkaupsréttur á miðum 2022 - 2023

Nú liggja fyrir dagsetningar varðandi miðapantanir í forkaupsrétti okkar á leiki Chelsea í Úrvalsdeildinni keppnistímabilið 2022 – 2023 með þeim fyrirvörum sem Chelsea kann að setja.

Athugið að forkaupsréttur okkar á miðum á leiki Chelsea í ágúst og september er mjög skammur, nánari upplýsingar er að finna á heimasíðu Chelsea-klúbbsins, smellið á Chelsea klúbbur og svo á Miðapantanir.

Þá ber að hafa í huga að sumir leikjanna falla undir Loyalty Point regluna hjá Chelsea Football Club.

Einungis er tekið við miðapöntunum á netfanginu This email address is being protected from spambots. You need JavaScript enabled to view it.

Nánari upplýsingar má fá í síma 864-6205.

Fyrstu leikir liggja fyrir

Nú liggur fyrir að fyrsti leikur Chelsea í Úrvalsdeildinni á keppnistímabilinu gegn Everton á Goodison Park laugardaginn 6. ágúst verður sýndur beint á SKY SPORTS og hefst hann kl. 16:30. Þá hafa sex aðrir leikja Chelsea í ágúst og september verið færðir til vegna sjónvarpsútsendinga:

  • Chelsea vs Tottenham Hotspur, fer fram á Stamford Bridge sunnudaginn 14. ágúst og hefst kl. 15:30, sýndur beint á SKY SPORTS.
  • Leeds United vs Chelsea, fer fram á Elland Road sunnudaginn 21. ágúst og hefst kl. 13:00, sýndur beint á SKY SPORTS.
  • Southampton vs Chelsea, fer fram á St. Mary´s þriðjudagskvöldið 30. ágúst og hefst kl. 18:45, sýndur beint á BT Sport.
  • Chelsea vs West Ham United, fer fram á Stamford Bridge sunnudaginn 4. september og hefst kl. 13:00, sýndur beint á SKY SPORTS.
  • Fulham vs Chelsea, fer fram á Craven Cottage laugardaginn 10. september og hefst kl. 11:30, sýndur beint á BT Sport.
  • Chelsea vs Liverpool, fer fram á Stamford Bridge sunnudaginn 18. september og hefst kl. 15:30, sýndur beint á SKY SPORTS.

Árgjöld 2022 - 2023

Nú liggja árgjöld fyrir hjá Chelsea Football Club vegna starfsársins 2022 – 2023 og er um lítilsháttar hækkun að ræða frá fyrra ári, flokkarnir hækka um GBP 2.- til GBP 5.-, þeir dýrari mest.

Því miður þurfum við að hækka árgjöld Chelsea-klúbbsins lítillega vegna þessa og verða þau sem hér segir:

  • True Blue Original (TBO) kr. 10.000.- UPPSELT!
  • True Blue Ticket Only (TBTO) kr. 6.000.-
  • True Blue Teens (TBT) kr. 5.500.-
  • True Blue Juniors (TBJ) kr. 5.500.-


Í TBO flokkinn geta einungis þeir skráð sig sem hafa náð 20 ára aldri og óska eftir „gjafapakka" frá Chelsea Football Club, athugið að þessi flokkur selst jafnan fljótt upp!

TBT flokkurinn er fyrir félagsmenn á aldrinum 13 – 19 ára, TBJ flokkurinn fyrir 12 ára og yngri, báðir þessi flokkar innihalda gjafapakka frá Chelsea Football Club.

TBTO flokkurinn (20 ára og eldri) veitir eingöngu forkaupsrétt á miðum samkvæmt þeim reglum er gilda þar um hverju sinni.

Forkaupsréttur á miðum gildir að sjálfsögðu einnig fyrir flokka TBO, TBT og TBJ samkvæmt þeim reglum er gilda þar um hverju sinni.

Nánari upplýsingar um innihald gjafapakka má svo finna inni á www.chelsea.is (Chelsea-klúbburinn – Árgjald / Skráning), þar er einnig að finna upplýsingar um reikningsnúmer og kennitölu Chelsea-klúbbsins. 

 

Meistarakveðja

Stjórnin.

Bruce Buck hættir - Marina gæti fylgt á eftir

Bruce Buck, formaður knatt­spyrnu­fé­lags­ins Chel­sea til 19 ára, hef­ur ákveðið að stíga niður úr sínu hlut­verki um mánaðar­mót­in. Hann verður þó áfram hjá fé­lag­inu sem ráðgjafi.

Síðan Buck tók við sem formaður hef­ur Chel­sea orðið að stór­veldi í knatt­spyrnu. Á hans tíma vann karlalið Chel­sea 18 titla og kvennaliðið 12. Hann hjálpaði einnig við að koma ung­linga­starf­inu í gang, en þaðan hafa komið leik­menn eins og John Terry, Ma­son Mount og Reece James.

Buck er stolt­ur af tíð sinni hjá Chel­sea.

„Ég er stolt­ur að hafa átt þátt í vel­gengni Chel­sea inn á vell­in­um sem að utan. Nú er hins­veg­ar rétti tím­inn fyr­ir mig til að stíga niður og leyfa nýju eig­end­un­um að byggja frá þeirra sjón­ar­horni. Ég hlakka til að hjálpa þeim að aðlag­ast ásamt okk­ar mögnuðu leik­mönn­um og starfs­fólki," sagði Buck við heimasíðu Chel­sea.

Fjár­festa­hóp­ur leidd­ur af banda­ríska viðskipta­mann­in­um Todd Boehly tók yfir Chel­sea í lok maí eft­ir að Rom­an Abramovich, fyrr­um eig­andi, þurfti að selja fé­lagið útaf stríði Rúss­lands og Úkraínu.

Orðrómur að Marina muni einnig stíga til hliðar er sterkur.

Keppnistímabilið 2022 - 2023, leikjaniðurröðun í Úrvalsdeildinni

Enska úrvalsdeildin hefst laugardaginn 6. ágúst n.k. og liggja fyrstu drög að leikjaniðurröðun nú fyrir en rétthafar beinna útsendinga í sjónvarpi frá leikjunum eiga svo eftir að ákveða tilfærslur á fjölda leikja vegna beinna útsendinga í sjónvarpi, ekki er vitað að svo stöddu hver fyrirvarinn er sem rétthafarnir hafa til að tilkynna um slíkur tilfærslur.

Í fyrstu umferðinni mætir Chelsea liði Everton og fer leikur liðanna fram á Goodison Park, síðasta umferðin fer svo fram sunnudaginn 28. maí 2023 og mætir Chelsea þá liði Newcastle United á Stamford Bridge.

Gert verður hlé á keppni í Úrvalsdeildinni dagana 14. nóvember – 25. desember vegna HM í knattspyrnu en keppni í Úrvalsdeildinni hefst að nýju á öðrum degi jóla 2022.

Við munum birta leikjaskrá Chelsea í Úrvalsdeildinni í heild sinni á Chelsea.is (Chelsea FC – Allir leikir og úrslit) með þeim fyrirvörum sem ávallt eru í upphafi keppnistímabils.

Chelsea Women hefja svo titilvörn sína helgina 9-11. september n.k. en leikjaniðurröðun hjá liðinu verður birt um miðjan júlí, keppni í WSL lýkur svo laugardaginn 27. maí 2023.