grand20222

Vorhappdrætti 2022 - Veglegir vinningar

Vorhappdrætti Chelsea-klúbbsins á Íslandi er brostið á, sama gamla góða fyrirkomulagið, fyrir hvern fimm hundruð kall sem þú leggur inn á reikning Chelsea-klúbbsins færðu nafn þitt skráð einu sinni í happdrættispottinn góða en að sjálfsögðu er þér heimilt að reiða eins marga fimm hundruð kalla af hendi og þér lystir, t.d. færðu nafnið þitt skráð einu sinni ef þú greiðir kr. 500.-, fimm sinnum ef þú greiðir kr. 2500.-, tíu sinnum ef þú greiðir kr. 5.000.- o.s.frv.

Reikningsnúmer klúbbsins er 0133-15-200166, kt. 690802-3840, vinsamlegast tilgreinið HAPPDRÆTTI í skýring greiðslu/tilvísun og kennitölu ykkar í GREIÐANDI.

Veglegir vinningar að vanda, m.a.:

  • American Bar, gjafabréf.
  • Avis bílaleiga, afnot af bifreið í tvo daga.
  • Bland í poka í boði Chelsea-klúbbsins.
  • Bombay Bazaar, gjafabréf.
  • Chelsea-treyja, árituð af leikmönnum Chelsea.
  • Dekkjahöllin, dekkjaumgangur að andvirði kr. 70.000.-
  • Fiskbúðin Hafberg, gjafabréf.
  • Gleðipinnar, gjafabréf.
  • Grand Hótel Reykjavík, gjafabréf.
  • Hársnyrtistofan Dalbraut 1, gjafabréf.
  • Kjötsmiðjan, gjafabréf.
  • Knattspyrnuverslunin Jói útherji, gjafabréf.
  • Marko-Merki, Chelsea-ledljós.
  • Orkan, inneignarkort.
  • o.fl. o.fl.
Nánari vinningaskrá verður svo kynnt af og til fram að drætti en dregið verður í happdrættinu á félagsfundi sem væntanlega verður haldinn í Ölveri laugardaginn 28. maí n.k., upplýsingar varðandi fundarefni og fundartíma verða sendar ykkur síðar.

Ekki flókið, allir að taka þátt, margt smátt gerir eitt stórt!

Nánari upplýsingar í síma 864 6205.

Bestu kveðjur,

Stjórnin.

Vorhappdrætti Chelsea klúbbsins 2022

Ágætu félagar!

Það er komið vor og vorhappdrætti Chelsea-klúbbsins á Íslandi að bresta á, sama gamla góða fyrirkomulagið, fyrir hvern fimm hundruð kall sem þú leggur inn á reikning Chelsea-klúbbsins færðu nafn þitt skráð einu sinni í happdrættispottinn góða en að sjálfsögðu er þér heimilt að reiða eins marga fimm hundruð kalla af hendi og þér lystir, t.d. færðu nafnið þitt skráð einu sinni ef þú greiðir kr. 500.-, fimm sinnum ef þú greiðir kr. 2500.-, tíu sinnum ef þú greiðir kr. 5.000.- o.s.frv.

Reikningsnúmer klúbbsins er 0133-15-200166, kt. 690802-3840, vinsamlegast tilgreinið HAPPDRÆTTI í skýring greiðslu/tilvísun og kennitölu ykkar í GREIÐANDI.          

Veglegir vinningar að vanda, m.a.:

  • American Bar, gjafabréf.
  • AVIS bílaleiga, afnot af bifreið í tvo daga.
  • Bland í poka í boði Chelsea-klúbbsins.
  • Bombay Bazaar, gjafabréf.
  • Bræðurnir Ormsson, heimilistæki.
  • Chelsea-treyja, árituð af leikmönnum Chelsea.
  • Dekkjahöllin, dekkjaumgangur að andvirði kr. 70.000.-
  • Fiskbúðin Hafberg, gjafabréf.
  • Grand Hótel Reykjavík, gjafabréf.
  • Hársnyrtistofan Dalbraut 1, gjafabréf.
  • Keiluhöllin, gjafabréf.
  • Kjötsmiðjan, gjafabréf.
  • Knattspyrnuverslunin Jói útherji, gjafabréf.
  • Lemon, gjafabréf.
  • Marko-Merki, Chelsea-ledljós.
  • Orkan, inneignarkort.
  • Rikki Chan, gjafabréf.
  • Shake & Pizza, gjafabréf.

Lokað verður fyrir þátttöku kl. 24:00 föstudaginn 27. maí, dregið verður í happdrættinu á félagsfundi sem fram fer í Ölveri laugardaginn 28. maí 2022.

Ekki flókið, allir að taka þátt, margt smátt gerir eitt stórt!

Nánari upplýsingar í síma 864 6205.

Bestu kveðjur,

Stjórnin.

Afmælisrit til heiðurs Ingvari áttræðum

Í dag, 9. apríl 2022, verður ungmennið, Hafnfirðingurinn og Chelsea-aðdáandinn Ingvar Viktorsson 80 ára! Hver hefði svo sem trúað því?

Af þessu tilefni þjörmuðum við að Ingvari og linntum ekki látum fyrr en hann féllst á þá hugmynd okkar að gefið yrði út afmælisrit honum til heiðurs. Það verður stútfullt af skemmtilegum og fróðlegum sögum, m.a. frá æskuárum hans á Vífilsstöðum, starfsferli hans og félagsmálavafstri, auk þess sem sagðar verða magnaðar hafnfirskar gamansögur.

Bókin mun koma út í nóvember og aftast í henni verður Tabula Gratulatoria. Þar geta áhugasamir fengið nafn sitt (og sinna) skráð á heillaóskasíðu og um leið gerst áskrifendur að bókinni, sem mun kosta 6.900 krónur. Gjaldið verður innheimt í gegnum heimabanka, nema annars sé óskað, en skráningin fer fram á netfanginu This email address is being protected from spambots. You need JavaScript enabled to view it. og í síma 690-8595 (Erna).

Áskrifendur gefi upp: NAFN/NÖFN, HEIMILISFANG OG KENNITÖLU.

Bókin verður gefin út af Bókaútgáfunni Hólum en ritnefndina skipa; Guðmundur Árni Stefánsson, Lúðvík Geirsson og Guðjón Ingi Eiríksson.

Chelsea höfuðklútur - frábær sumargjöf

Vantar þig sumargjöf fyrir börnin, barnabörnin, unglingana í fjölskyldunni, nú eða bara fyrir sjálfan þig?

Eigum ennþá eftir nokkur eintök af Chelsea höfuðklútum á lager, hvernig væri að hjálpa til við að létta á lagernum?

Tekið er við pöntunum á netfangi This email address is being protected from spambots. You need JavaScript enabled to view it. , upplýsingar um greiðslufyrirkomulag sent viðkomandi þegar pöntun hefur borist Chelsea klúbbnum.

Breytingar á leikdögum í maí

Tveir leikja Chelsea í Úrvalsdeildinni sem frestað var á sínum tíma vegna þátttöku Chelsea í öðrum keppnum hafa nú verið settir á í maímánuði.

  • Leeds United vs Chelsea, fer fram á Elland Road miðvikudagskvöldið 11. maí og hefst kl. 18:30, sýndur beint á SKY SPORTS.
  • Chelsea vs Leicester City, fer fram á Stamford Bridge fimmtudagskvöldið 19. maí og hefst kl. 19:00, ekki vitað um sjónvarpsútsendingar að svo stöddu.
  • Þá liggur fyrir að leikur Manchester United vs Chelsea, sem fyrirhugaður er á Old Trafford sunnudaginn 15. maí, verður frestað fari svo að Chelsea hafi betur gegn Crystal Palace í undanúrslitum ensku bikarkeppninnar.

Uppboð - Áritaður bolti af Englands- og bikarmeisturum 2010

UPPBOÐI LOKIÐ!

Viltu eignast Chelsea bolta, áritaðan af Englands- og bikarmeisturum Chelsea 2010?

Þá skaltu hafa hraðar hendur og bjóða í boltann á Fésbókinni Chelsea FC á Íslandi, tökum við tilboðum til kl. 22:00 annað kvöld,

Lágmarksupphæð er 35.000 kr.

Allur ágóði af uppboðinu rennur í Minningar- og styrktarsjóð Chelsea klúbbsins.

Tengill inn á Fésbókina er hér: Chelsea FC á Íslandi | Facebook

Vel heppnuð afmælishátíð með styrktaraðilum, starfsmönnum og fyrrum stjórnarmönnum

Í tilefni af 25 ára afmæli Chelsea klúbbsins á Íslandi þann 16. mars sl. bauð stjórn klúbbsins til móttöku á Grand Hótel Reykjavík föstudagskvöldið 18. mars, komu boðsgestir úr röðum samtarfs- og styrktaraðila klúbbsins undanfarin 25 ár, fyrrum stjórnarmanna klúbbsins og starfsmönnum hans auk velgjörðarmanna, einnig var heiðurs- & stofnfélögum Chelsea klúbbsins boðið til móttökurnar.

Sérstakur heiðursgestur kvöldsins var Chelsea goðsögnin Eiður Smári Guðjohnsen og var honum við þetta tækifæri færð gjöf frá Chelsea klúbbnum sem þakklætisvottur fyrir hans framlag til Chelsea Football Club og Chelsea klúbbsins.

Þá var Eiður við þetta sama tækifæri útnefndur heiðursfélagi Chelsea klúbbsins og er hann sjötti einstaklingurinn sem verður þess heiðurs aðnjótandi.

Þá var Jóhann Sigurólason, yfirmaður gistisviðs og bókunarstjóri á Grand Hótel Reykjavík, einnig útnefndur heiðursfélagi Chelsea klúbbsins og eru heiðursfélagarnir þvi orðnir sjö alls.Var báðum þessum nýju heiðursfélögum Chelsea klúbbsins færð skjöl til staðfestingar útnefningunum auk blómvanda. Nánar má lesa um þá kappa á www.chelsea.is (Chelsea klúbburinn – Heiðursfélagar).

Veislustjórn var í höndum Ingvars J. Viktorssonar, sögur sagðar af skemmtilegum uppákomum sem klúbbfélagar höfðu upplifað sem Chelsea stuðningsmenn, myndasýning rúllaði á stóru tjaldi á meðan á samkomunni stóð auk þess sem Chelsea slagarar og önnur tónlist hljómaði í eyrum viðstaddra. Og ekki skemmdu glæsilegar veitingar úr eldhúsi Grand Hótels fyrir samkomugestum

Stjórn Chelsea klúbbsins þakkar öllum þeim sem áttu hlut að máli og gerðu þessa samkomu jafnglæsilega og raun bar vitni, sérstakar þakkir fá félagar í afmælis- og skemmtinefnd auk starfsfólks Grand Hótels.

Það eru svo fleiri viðburðir fyrirhugaður á afmælisárinu og verða þeir kynntir nánar í fyllingu tímans.

275931053 369827471668937 9038161771337224467 n-1

 

276034732 1866175233771562 5566772105286681699 n-1

 

276943848 5348429901882419 665038775206840203 n-2

 

276952448 1026605011535818 3210502199194426622 n-1

 

277047445 1100794060843618 5907886812688882155 n-1

 

277179672 641958190232457 7614381096377548693 n-1