Nú hafa nokkrir leikja Chelsea í Úrvalsdeildinni í aprílmánuði verið færðir til vegna sjónvarpsútsendinga frá leikjum liðsins og eru tilfærslurnar eftirfarandi:

• Chelsea vs Stoke City, laugardagur 5. apríl kl. 16:30, með fyrirvara vegna þátttöku Chelsea í Meistaradeildinni!
• Swansea City vs Chelsea, sunnudagur 13. apríl kl. 15:10.
• Chelsea vs Sunderland, sunnudagur 20. apríl kl. 13:05, með fyrirvara vegna þátttöku Chelsea í Meistaradeildinni.
• Liverpool vs Chelsea, sunnudagur 27. apríl kl. 13:05.

Athugið að sumartími tekur gildi á Englandi aðfararnótt sunnudagsins 30. mars 2014.
Ofantaldir leikir verða allir í beinni útsendingu á SKY SPORTS.

Terry, Lampard eða sjálfur Howard?

Nefnd sú hjá enska knattspyrnusambandinu er fjallar um ýmis vafaatriði er kunna að koma upp í leikjum í Úrvalsdeildinni hefur nú úrskurðað að Frank Lampard skuli skráður fyrir sigurmarki Chelsea gegn Everton, spyrna hans beint úr aukaspyrnu í uppbótartíma hafi aldrei snert John Terry en haft viðkomu í Tim Howard, markverði Everton, á leið sinni í markið, knötturinn hefði hafnað í markinu þrátt fyrir snertingu Howards svo ekki er um sjálfsmark að ræða, Lampard skuli skráður fyrir markinu. Sem þýðir að enn bætir Super Frank markametið hjá Chelsea, kominn í 210 mörk “and still going strong" Hvar endar þetta?

Tippið - Staðan og sigurvegarar

Staðan í Tippleik Chelsea.is hefur verið uppfærð samkvæmt þessu.Sigurvegarar í febrúarmánuði Tippleiksins eru:

• Arnór Hillers og BHM, sigurvegari janúarmánaðar er Edda.
• Herber er sigurvegari desembermánaðar.

Ofurdagur hjá Orkunni

Næsti ofurdagur Chelsea Orkulykilsins nálgast, hann verður væntanlega í tengslum við annað hvort (eða jafnvel bæði) afmæli Chelsea Football Club þann 10. mars n.k. eða afmæli Chelsea klúbbsins á Íslandi þann 16. mars, nánar um það á næstu dögum en fyrir þau ykkar sem ekki hafa enn sem komið er nælt sér í Chelsea Orkulykilinn þá er ekki eftir neinu að bíða,allar nánari upplýsingar má finna í “Fagnaðarerindinu” í meðfylgjandi viðhengi.

Pub Quiz 18. mars

Og svo er í bígerð Chelsea Pub Quiz þann 18. mars í Ölveri, “Kvissið” verður væntanlega á undan leik Chelsea og Galatasaray í Meistaradeildinni.

Nú liggur fyrir niðurstaða í kjöri ykkar á leikmanni ársins hjá Chelsea Football Club fyrir yfirstandandi keppnistímabil og hefur niðarstaðan í kjörinu verið send til höfuðstöðvanna í London.
Skemmst er frá því að segja að Eden Hazard er leikmaður ársins að ykkar mati, hafði fáheyrða yfirburði í kjörinu!

Úrslitin urðu annars eftirfarandi:
1. Eden Hazard 77,5% greiddra atkvæða
2. Branislav Ivanovic 7,5%
3. John Terry 6%
4-5. Fernando Torres 3%
4-5. Petr Cech 3%
6-7. Oscar 1,5% 
6-7. Willian 1,5%

Nafn eins þátttakanda var svo dregið úr innsendum atkvæðaseðlum og fær sá heppni, Árni Þór Árnason, gjafabréf frá Sælkerabúðinni í sinn hlut.
“Sælkerabúðin, glæsileg verslun að Bitruhálsi 2”
Stjórn Chelsea klúbbsins þakkar öllum þeim er þátt tóku og þá fær Sælkerabúðin sérstakar þakkir fyrir sitt framlag!
Með meistarakveðju,
Stjórnin.

P.S. Búið ykkur undir Chelsea Pub Quiz 18. mars næst komandi

Nú er Tippleikur Chelsea.is 2013-2014 um það bil hálfnaður og er keppnin æsispennandi á toppnum, tveir þátttakenda eru jafnir í efsta sæti og nokkrir koma svo þar skammt á eftir.

Það má með sanni segja að það sé aldrei of seint að hefja þátttöku í Tippleik Chelsea.is, það gerir hið nýja fyrirkomulag, þ.e.a.s. stigahæstu þátttakendur í hverjum mánuði úr röðum félagsmanna eru verðlaunaðir og svo bíða aðalverðlaunin þeirra getspökustu í vor að loknu keppnistímabilinu. Og þau verða vegleg að vanda!

Sigurvegurum einstakra mánaða fram að þessu hafa verið afhent sigurlaun sín en þrír deildu með sér efsta sætinu í ágústmánuði, þeir Blossi, keg og kiddimagg, septembermánuður var felldur út vegna tæknilegra erfiðleika, Hethrir var svo stigahæstur félagsmanna í október, Herbert og thorri deildu efsta sætinu í nóvember en Herbert sat svo einn að efsta sætinu í desembermánuði

Nú er bara fyrir aðra Tipplinga að herða sig (!) og skella sér með í Tippleikinn ef þeir eru ekki þátttakendur nú þegar, ekkert þátttökugjald en þó rétt að ítreka að einungis félagsmenn geta unnið til verðlauna!

Og svo stendur til að fara af stað með tipphóp hjá Íslenskum getraunum á næstu dögum og verður fyrirkomulag á því dæmi kynnt nú á allra næstu dögum.

Upp með Tippið!

Ágætu félagar!

Nú hafa tveir af leikjum Chelsea í Úrvalsdeildinni í janúar 2014 verið færðir til, annars vegar hefur leikur Hull City Tigers og Chelsea verið færður til kl. 12:45 laugardaginn 11. janúar og verður hann sýndur beint á BT Sport og hins vegar hefur leikur Chelsea og Manchester United verið færður til sunnudagsins 19. janúar kl. 16:00, sýndur beint á SKY Sports.

Úrslit í Tippleik Chelsea.is í októbermánuði liggja fyrir, sá Tipplingur er skoraði mest er EKKI félagi í Chelsea klúbbnum og vinnur þar með ekki til verðlauna en samkvæmt reglum um Tippleikinn geta einungis klúbbfélagar unnið til verðlauna í leiknum þó svo öllum sé heimil þátttaka. Sá klúbbfélagi er skoraði mest í október er Hethrir og hlýtur hann því verðlaun októbermánaðar!

Já, það borgar sig að vera félagi í Chelsea klúbbnum.

Enn er óvíst með úrslit septembermánaðar en vegna tæknilegra örðugleika er skipt var yfir í nýja síðu hefur reynst erfiðara að endurheimta þær upplýsingar er við þurfum til að skera úr um úrslit í septembermánuði, vonandi að þau liggi fyrir fljótlega!

Þá viljum við minna á að það styttist í jólahlaðborð Chelsea klúbbsins, þátttökutilkynningar þurfa að berast stjórn klúbbsins í síðasta lagi laugardaginn 16. nóvember n.k. á netfang This email address is being protected from spambots. You need JavaScript enabled to view it.

Með meistarakveðju,
Stjórnin.

Ágætu félagar.
Aðalfundur Chelsea klúbbsins á Íslandi verður haldinn að Háteigi B á Grand Hótel Reykjavík laugardaginn 19. október n.k. og hefst fundurinn kl. 12:30.
Á meðal atriða verður uppboð á Chelsea keppnistreyju, áritaðri af Evrópudeildarmeisturum Chelsea, og mun innkoma vegna uppboðsins renna óskipt til góðs málefnis, þ.e. í Minningar- & styrktarsjóð Chelsea klúbbsins en tilgangur sjóðsins er, m.a., að bjóða skjólstæðingum Styrktarfélags krabbameinssjúkra barna á leiki með Chelsea Football Club. Hér má sjá pistil um skemmtilega ferð sem var farin í apríl sl. (2013)

Fram hafa komið áskoranir um að gefa þeim er ekki hafa tök á að mæta á aðalfundinn á laugardag sem og öðrum áhugasömum færi á að bjóða í treyjuna og hefur stjórn Chelsea klúbbsins ákveðið að verða við þeim áskorunum!

Uppboðsferlið

Framkvæmdin er einföld, áhugasamir senda inn tilboð með tölvupósti á netfang This email address is being protected from spambots. You need JavaScript enabled to view it. , nýjustu tölur hverju sinni verða uppfærðar á heimasíðu Chelsea klúbbsins á Íslandi, www.chelsea.is og hæsta tilboð sem berst með þessum hætti fyrir kl. 11:00 á laugardag verður svo byrjunarupphæð uppboðsins á treyjunni á aðalfundinum.

Ekki flókið, upp með veskin, styðjum gott málefni!

Með meistarakveðju,
Stjórn Chelsea klúbbsins á Íslandi.

Tilboð sem borist hafa:

10.000 kr. 
16. október 2013 15:58

50.000 kr.
16. október 2013 18:47

75.000 kr.
16. október 2013 22:35