[Ommi]

Hvað finnst mönnum um þetta mál, Terry er sviptur fyrirliðabandinu fyrir sakir sem eru nánast engar, út af máli sem kemur knattspyrnunni akkúrat ekkert við.
Hver tekur svo við fyrirliðabandinu, Rio Ferdinand, leikmaður var að vinna sér inn leikbann fyrir að berja leikmann inn á vellinum í beinni útsendingu, er þetta fyrirliðinn sem menn vilja sjá ?
Eru menn búnir að gleyma langa leikbanninu sem Rio fékk vegna gruns um ólöglega lyfjanotkun?
Þar fyrir utan er Ferdinand búinn að eiga afleitt tímabil fyrir sitt félagslið ásamt því að hafa átt í erfiðum bakmeiðslum, ja það er allsóvíst að þessi nýji fyrirliði bara komist í Enska landsliðið.

Ég ætla samt að óska Ferdinand alls hins besta í nýja hlutverkinu og vona að hann nái sínum fyrri styrk, England hefur ekki efni á að hafa bara nafn í annari miðvarðarstöðunni.

[helgi2385]

sammála þér. Réttast væri að bjóða Rooney bandið. hann stendur sig vel hjá United. En hvað sem því líður finnst mér þetta flokkast undir nornaveiðar gagnvart Terry. Það er búið að blása þetta gífurlega upp og finnst mér persónulega þetta ekki koma knattspyrnuferlinum neitt við, svo lengi sem hann brotnar ekki andlega inná vellinum þá ætti hann að halda bandinu.

En það er því miður búið að ákveða þetta, ég hugsa nú samt að Terry taki bandið aftur þegar fram í sækir. Rio er búinn.
_________________
Við vinnum þetta svo bara aftur og aftur og aftur og aftur og aftur!!!

[PBP]

Gæti bara satt best að segja ekki verið meira sama.

Vona að þeir komist ekki upp úr riðlinum.

Það eru fullt af góðum knattspyrnuliðum á þessu móti og ég sé enga ástæðu til þess að vera að halda með enskum.

[keg]

Ég held að Capello hafi ekki átt annarra kosta völ – enska ræsispressan er sterk, Englendingar eru flestir fífl (Terry meðtalinn, Lampard undanskilinn) og nærast á því sem rennur út um endagörnina á illgjörnum og óupplýstum „blaðamönnum“. Með þennan sjakalahóp ýlfrandi og gólandi hefði ekki orðið vinnufriður hjá landsliðsþjálfaranum og því varð að fórna Terry (hvort Rio er svo góður kostur verður að koma í ljós en því miður virðast leiðtogahæfileikar á fótboltavelli fara saman við það að hegða sér eins og idjót utan vallar, að minnsta kosti á meðal enskra). Terry getur svo sem engum kennt um nema sjálfum sér - undanfarinn áratug hafa fáir hafa verið duglegri við að koma sér á forsíður götusneplanna með óvarlegri framgöngu í „skemmtanalífi“ til dæmis. Drengurinn gerði svo sem ekkert sem ég og fleiri hafa ekki gert – munurinn er bara sá að hann er fyrirliði enska landsliðsins en ég er nóboddí og því ekki undir smásjá fjölmiðla. Þar liggur munurinn og Terry virðist of vitlaus til að átta sig á eða of blindur af hroka til að sjá að hann getur ekki leyft sér það sama og við smákallarnir – og ekki er hægt að kaupa sig frá öllu þótt maður eigi eitthvað í handraðanum. Skeiniblöðin sýna enga miskunn.

P.S. Þetta verður í fyrsta og síðasta sinn sem ég skrifa af alvöru á þessum vettvangi.
_________________
Framtíðin er björt! Framtíðin er blá!

[Ommi]

Ég get allveg verið sammála "keg" um að Terry hafi ekki verið til fullrar fyrirmyndar utan vallar, en innan vallar hefur hann sinnt sínu og vel það.

Það sem ég er að brydda upp á með þessu er að það er verið að taka fyrirliðabandið af leikmanni sem er ekki með frambærilega hegðun utan vallar og bandið afhent leikmanni sem sem er alls ekkert í betri málum.
ja nema kannski er buxnaklaufin föst hjá homum.

Hver er þá tilgangurinn með þessu ?

En ég mun styðja Enska landsliðið á HM hvað sem tautar og raular.

[skunkurinn]

Ekki gleyma varafyrirliðanum, sem lemur saklausa plötusnúða fyrir að hafa smekk fyrir tónlist og neita að spila Phil Collins!

Fyrst það átti að taka bandið af Terry finnst mér enginn nema Rooney koma til greina sem nýr fyrirliði.

[Charlie Cooke]

Er litli bolabíturinn nú allt í einu orðinn þessi líka engill? Menn eru fljótir að gleyma!

[Ommi]

Ég er að spá í afhverju enginn nefnir Frank Lampard, hann er líklega fyrsta val í landsliðið ásamt Rooney.
Lampard myndi sóma sér vel sem fyrirliði.

[A.Kárason]

Mér finnst alveg rétt hjá honum að taka bandið af honum, hann á að vera fyrirmynd og þetta er ekki sú fyrirmynd sem heil þjóð vill hafa.
En hins vegar að því hver ber bandið núna, þá finnst mér Ferdinand ekkert skárri, maðurinn sem mætir ekki í lyfjapróf þegar hann gæti ekki hafa gleymt því og slíkt, Lampard eða Rooney hefði ég sagt.

[Cardinal]

En bíddu, áttu ekki fullt af öðrum málum að koma á yfirborðið um nýliðna helgi? Ef Terry er búinn að vera með skaufann á lofti gagnvart öllum kellingum landsliðsmanna þá er eðlilegt að leikmenn séu ekki boðnir og búnir að elta hann inn á völlinn í stríð.

Hann stakk liðsfélaga í landsliði og félagsliði í bakið og það er aðeins annar hlutur en að taka nokkrar kókaínlínur af sköpum vændiskonu A la Mutu. EF Wayne Bridge væri Ashely Cole væri þetta mikið meira mál.

En þessi fyrirliðastaða er náttúrulega bara skraut. Við vitum allir hver herforinginn í vörninni verður í sumar. Fyrirliðabandslaus.
_________________
Guð hjálpi okkur öllum. Það eru hálfvitar við stjórnvölin!